അമ്പലപ്പുഴ: സന്തോഷകരമായ അവസ്ഥയിലല്ല താൻ തിരുവിതാംകൂർ ദേവസ്വം പ്രസിഡന്റായതെന്ന് കെ. ജയകുമാർ. അങ്ങേയറ്റം സങ്കടകരമായ അവസ്ഥയിലാണ് ബോർഡ് പ്രസിഡന്റായതെന്നും അദ്ദേഹം പറഞ്ഞു.
അമ്പലപ്പുഴ ക്ഷേത്രത്തിൽ പന്ത്രണ്ട് കളഭ മഹോത്സവത്തിന്റെ ഭാഗമായി നടന്ന ശങ്കര നാരായണ ശാസ്ത്രീയ സംഗീതോത്സവ സമാപനം ഉദ്ഘാടനം ചെയ്യുകയായിരുന്നു അദ്ദേ ഹം.
ഭക്തിയുടെ പേരിൽ ക്ഷേത്രങ്ങൾ സംരക്ഷിക്കാൻ താത്പര്യമുണ്ടെന്നത് നല്ല കാര്യമാണ്. ക്ഷേത്രങ്ങളിൽ പിരിച്ച തുകയുടെ കണക്ക് ഓഡിറ്റ് ചെയ്ത് പൊതു ജനത്തിന് മുന്നിൽ സമർപ്പിക്കാൻ ഉപദേശക സമിതികൾ തയാറാകണമെന്നും അദ്ദേഹം പറഞ്ഞു.
